14.1 – Itsasoko kutsadura murriztea
Gaurtik 2025era, mota guztietako itsas kutsadura prebenitu eta nabarmen murriztea, bereziki, lehorrean egindako jarduerek eragindakoa, itsasoko detrituak eta mantenugaien bidezkoa barne.
14. Helburua – Itsaspeko bizitza
Helburuaren jomugak
14.2 – Ekosistemak babestu eta biziberritzea
Itsasoko eta kostaldeko ekosistemak modu jasangarrian kudeatu eta babestea, kontrako ondorio larriak saihesteko, baita haien erresilientzia sendotuz ere, eta neurriak hartzea ekosistemak biziberritzeko, hain zuzen, ozeanoen osasuna lehengoratu eta produktibitatea suspertzeko.
14.3 – Ozeanoen azidotzea murriztea
Ozeanoen azidotzearen ondorioak minimizatzea eta horiei ekitea, maila guztietan lankidetza zientifiko handiena sustatuz ere.
14.4 – Arrantza jasangarria
Arrantza-ustiapena eraginkortasunez arautzea, eta neurriz gorako, legez kanpoko, aitortu eta arautu gabeko arrantza eta arrantza-jardunbide suntsitzaileak ezabatzea, eta oinarri zientifikodun kudeaketa-planak aplikatzea, arrain-populazioak ahalik eta lasterren lehengora daitezen, gutxienez, beren ezaugarri biologikoen araberako errendimendu jasangarririk handiena sortzeko mailak berreskura ditzaten.
14.5 – Kostaldeak eta itsasoko eremuak kontserbatzea
Kostaldeen eta itsasoko eremuen % 10 kontserbatzea gutxienez, Estatuko legeen eta nazioarteko zuzenbidearen arabera, eta eskura dagoen informazio zientifiko hoberenean oinarrituta.
14.6 – Gehiegizko arrantzari diruz laguntzen dioten laguntzak ezabatzea
Gainahalmenari eta gehiegizko arrantzari diruz laguntzen dieten lagutzak debekatzea, legez kanpoko eta aitortu edo arautu gabeko arrantzari diruz laguntzen dioten laguntzak ezabatzea, eta dirulaguntza berririk ez sartzea.
14.7 – Itsas baliabideen erabilera jasangarria sustatzea
Gaurtik 2030era, garapen-bidean dauden uharte-estatu txikiek eta gutxien aurreratutako herrialdeek itsas baliabideak modu jasangarrian erabiltzetik, batez ere, arrantzaren kudeaketa jasangarritik, akuikulturatik, lortzen dituzten mozkinak ugaritzea.
14.A – Ezagutza zientifikoa, ikerketa eta teknologia areagotzea ozeanoen osasunerako
Ezagutza zientifikoa areagotzea, ikertzeko gaitasuna garatzea eta itsas teknologia transferitzea,
kontuan hartuta Gobernuen arteko Batzorde Ozeanografikoak itsas teknologia transferitzeko ezarri
dituen irizpideak eta ildoak, ozeanoen osasuna hobetzeko eta itsas biodibertsitateak garapen-bidean dauden herrialdeen garapenari –batez ere, uharte-estatu txikien eta gutxien aurreratutakoen garapenari–, egiten dion ekarpena sustatzeko.
14.B – Artisau-arrantzaleei laguntzea
Artisau-arrantzaleek eskala txikian itsas baliabideak eta merkatuak eskura izan ditzaten erraztea.
14.C – Itsasoaren Nazioarteko Zuzenbidea ezarri eta betearaztea
Ozeanoen eta horien baliabideen kontserbazioa eta erabilera jasangarria hobetzea, eta, horretarako, Itsasoaren Zuzenbidearen gaineko Nazio Batuen Konbentzioan jasotako nazioarteko zuzenbidea aplikatzea, horrek ematen baitu ozeanoak eta horien baliabideak kontserbatu eta modu jasangarrian erabiltzeko esparru juridikoa.