CONSERVAS CAMPOS
«Erauzketa- eta eraldaketa-jarduerak txertatu beharko dira jasangarritasun-estandar berriei erantzuteko»

Conservas Campos

Conservas Campos-en Garapen Jasangarriaren Arloko zuzendari Marta Pagazaurtunduak enpresaren produktuen ziurtagirien –hala nola MSC– aldeko apustua nabarmendu du, garapen ekonomikoa, ingurumenarekiko errespetua eta gizarte-ongizatea barne hartzen dituen estrategiaren esparruaren barruan.

Campos-entzat jasangarritasuna gure negozioaren oinarrizko printzipioa da eta, aldi berean, egunez egun lortu nahi dugun helburua; hots, gure etorkizunerako bermea. Hala, Nazio Batuen  Brundtland Batzordearen definizioa gure egin dugu: “gaurko beharrak betetzea beren beharrak betetzeko etorkizuneko belaunaldien ahalmena arriskuan jarri gabe”. Horrek esan nahi du arloen eta jarduketa-eremuen araberako jasangarritasuna saihesten dugula eta jasangarritasun osoaren, zera, 360º -ko jasangarritasunaren alde gaudela, garapen ekonomikoaren, ingurumenarekiko errespetuaren eta gizarte-ongizatearen arteko oreka lortzeko.

Hala da. Campos izan zen MSC zaintza-katean ziurtatu zen lehen kontserba-enpresa, Espainian dituen lantegietan nahiz Ekuadorren dituenetan, 2007an eta 2009an hurrenez hurren. Harrezkeroztik, zigilu urdinarekin ziurtatutako erreferentzien merkaturatzea ugarituz joan gara. Zigilu horrek bermatzen du gure produktuak modu jasangarrian kudeatzen den arraintoki batean arrantzatu direla, zeinean arrantzak arrainen populazio basatiengan, ekosistemetan eta horien etorkizunean dituzten inpaktuak ebaluatu diren. MSC zigiluarekin ziurtatutako produktuen aldeko apustua gure ontzidiak, Albacorak, oraintsu lortu duen ziurtapenak sendotu egin du; izan ere, MSCren Arrantza Jasangarriaren Estandarraren arabera eskualde ozeaniko guztietako harrapaketak ziurtatu dituen lehen atun-konpainia da munduan.

Gero eta kontsumitzaile gehiagok erosketetan jasangarritasun-irizpideak kontuan hartzen dituela egia bada ere, uste dugu oraindik bide luzea geratzen dela produktu-mota horiek identifikatzen dituzten zigilu, logo edo ekoetiketa bakoitzaren esanahia behar bezala interpreta dezaten. MSC zigilu urdinari dagokionez, kontsumitzaileei nahiz banaketari zuzendutako hainbat kanpainaren bidez, MSC-k hori zabaltzeko egiten duen lan itzelari esker, jendeak zigilu horrek esan nahi duenari buruz gehiago dakiela ikusten ari gara.

Izan ere, jasangarritasunarekin zerikusia duten ekimenetan parte hartzen dugunean, ekoetiketak erabiltzea baino askoz gehiago egiten dugu. Hortaz, arrantza-baliabidearen jasangarritasunari dagokionez, MSCren ‘Semana Mares para Siempre’ astean parte hartzen dugu, sortu zenetik. Era berean, Arrantza Arduratsuko Atuna sustatzeko AENOR- APRen kanpainetan esku hartzen dugu; azken urteotan egin dira kanpainak, besteak beste, arrantza-ontzietako lanaren gizarte-baldintzak eta laneko segurtasuna bermatzeko.

Gure ontzidiaren eta eraldaketa-instalazioen MSC eta APR ziurtagirien bitartez, gure produktuen jasangarritasuna bermatzen dugu: arrain trazagarria, segurua, osasungarria eta legala, langileen eskubideak babesten eta arrantza-baliabidea eta horren habitata zaintzen dituzten ontzidiek harrapatzen dutena, eta, ondoren, langileen lan-baldintzak bermatzen dituzten eta ingurumena babesteko ikuspegia duten enpresetan eraldatzen dena.

Campos-en lehengaien, gai osagarrien edo sargaien hornitzaileak irizpide ekonomikoen, ingurumen-irizpideen eta gizarte-irizpideen arabera hautatzen ditugu. Sinetsita gaude horrela eginda bakarrik izango garela gai gure jarduerak etorkizunean jarrai dezala eta, aldi berean, gure hornidura-kate osoan balio partekatua sortzeko. Atunaren hornidura-katea konplexua da, hainbat herrialdetako eragile ugarik esku hartzen baitute, eta egoera horrek testuinguru desberdinak dakartza, bai arauketari dagokionez, bai kulturari, gizarteari eta ekonomiari dagokienez. Campos-en, gure hornitzaileekin kontratu-harremanen bat hasi aurretik, nahitaezkotzat jotzen dugu haien jardueraren testuingurua ezagutzea, eta horren arabera, eta jarduera horri aplikagarri zaion arautze-esparruarekin bat etorrita beti, gure jokabide-kodea ezagutarazten diegu eta horri atxikitzea eskatu. Hornitzaile bakoitzarekin batera ezartzen ditugu gutxieneko ingurumen- eta gizarte-betekizunak, horien arabera harreman sendo baten oinarriak finkatzeko, elkarrekin hobetzen joateko.

torkizunean erauzketa- eta eraldaketa-jarduerak txertatzea ezinbestekoa izango da egungo erronkei erantzuteko: gero eta zorrotzagoa eta murriztaileagoa den arautze-esparruari aurre egitea, bezeroek eta banaketa handiak eskatzen dituzten jasangarritasun-estandar eta ziurtapen berrietara moldatzea eta baliabideak hobeto aprobetxatzea, besteak beste.
Bestetik, uste dugu interes-talde guztien mundu-mailako konpromisorik ez badago –zeinean joko-arauak guztientzat berberak diren, salbuespenik gabe, lan egiten den herrialdeak eta enpresa-mota edozein izanda ere–, horien etorkizuna egoera larrian egongo da.